1Cor 6 | ASO | STEP | Ido' lengitati' mali'mo eze zuho ma lihime molo-davo aza goni' o-deline' nene mono' aleve nizada do vo goni' o-deline' o neine' nenako ne'mine amo O'mosomu' gilamavetida do vo goni' o-daa' neive. Naza giluvoni' lingine ne'mine ilisa longovozo hililizahe lo giluvoni'za longovozo hilami ne'mine iga' nave.

1 Corinthians 6

Lengi' Zuho Izesu' Evenele Ma O'mosomu' Gilamavetida Di Vi Goni' I-ngidamilo Lo Paulo' Line'

1 Ido' lengitati' mali'mo eze zuho ma lihime molo-davo aza goni' o-deline' nene mono' aleve nizada do vo goni' o-deline' o neine' nenako ne'mine amo O'mosomu' gilamavetida do vo goni' o-daa' neive. Naza giluvoni' lingine ne'mine ilisa longovozo hililizahe lo giluvoni'za longovozo hilami ne'mine iga' nave. 2 Laza O'moso'mi evenele nete misubou' aleve O'mosomu' gilama aleveti gamazi'ine nene geleka' geleka' ogo minelone' nenako gilamani' nehe. Ee, gamazi'ine nene geleka' geleka' ogo minelesunako lingine gamazi ngomo nesi nene gililizado' lisihe' amahe. 3 Laza nene angeloliti gamazi'ine nesi gele-ngedelone' nenako nemu' gilamani' nehe. Nemu' nene me misubou' initeliti gamazi'ine nene gele-ngedato' lisihe' gehepeve o none. 4 Nemu' nene me misubou' initeliti gamazi lengita ma soto' ogavo ma a'mine gamazitine nene gili-lidilizave li engita di vaa' nani' alevemu' nene O'moso'mi evenele zuho laza engikumu' gilunivo mono'ine nomine' mo haza inite' nizani' nenako engita nanimu' di vaa' nave. 5 A'mine noluvoni' nene longovozo hililizave losa noluve. Ido' mono' gilave Izesu' zuho lengi' muliseu' gamazi ma soto' iline' nene galau' otohato o minivo do lisihe' o-lengedelive nene hamokisi ma minamihe. 6 Ma noloseiha gamazitine nene ha do lisihe' o-lengedelinako ezela di vamavo linginelati' malite lengi' zuho ma nene zasila ngele'mizi di vi goni' i-ngidaa' nani' nene goloso ve. Ido' neevo' nomive. A'mine zasi nesi nene Izesungumu' gili ele'vole' isa'manako engita ngele'mizi di vi goni' i-ngidaa' nani' nene mo goloso gehepeve ve. 7 Lingine zuho monoku' minanguti' di gonito' mili-ngidaa' nadi'mo nene monokuti' mo limi ingikeve. Linginela lihime ma mili-lingidikevo ma nene goni' i-ngidami huli ngimikilizani' nene lamine' o neinako nanimu' goni' i-ngidaa' nave. Ido' lengi' initetine gumine dikevo ma goni' nene i-ngidami huli ngimikilizani' nene lamine' o neinako nanimu' goni' i-ngidaa' nave. 8 Ne'mine amilizanako lingine nene langisetinesi lihime mili-ngidi monovo lisihe' ani' gilivo mini go'ine izi gumine damine iga' nave. Ne'mine iga' niigisa monoku' minave lengi' zuho nesi nene ne'mine i-ngidaa' nave. 9 Inite' goloso daa' nave nete nene O'moso'mi gizebou' ngeli vi hilamilizani' nenako nemu' gilamani' nehe. Evene' ma vene' vemoho' monovo goloso gopo' napa iga' navesi soza o'mosomu' ngopo'ni laa' navesi evene' ma ve maliti ele'ningine gopo daa' navesi ido' ve ma vene' vemoho' inite' iga' adi'mine igi vemoho' engi' oko'ningu' inite' iga' nave nesi ido' vene' engi' oko'ningu' inite' iga' nani' venekisi ido' guminelo' vesi ido' ve maliti initeto' mumuzo' iga' navesi ido' noso ni sipaki iga' navesi evene' divi ledivika li gamazi goloso laa' navesi gumine gize ngize ve nesi nene O'moso'mi gizebou' nene ngeli vi hilamilisaze. Lingine laza gopo minelonidoti' nene a'mingu' ha vo holalobe li gopo gatine gilamilo. 11 Ido' gomuta nene lengikuti' evene' linge ma nete ne'mini goloso inite' daa' ave ma minani'za lingine igi Guvelesi ve Izesu' Kilisitoda gi'mizi eze gulive nene di lengita adi'mo O'moso'mi Sikalahu' nene lengita ogo gono do a'mine monovo golosotine nene gilite-lengedo O'moso'mi evenele lamine' lolo' o-lengedavo O'moso'mo lihimetinesi nomine' ve lo-lingidine' ve.

Leli' Okodedunu' Nene O'moso'mi Monovo Lamine' Nene Do Soto' Ogo Eze Gulive Do Naba Iline' Initekovo' Ogo Molo Minelesune Lo Paulo' Lo-ngimine'

12 Lingine inite' muki' nene ha gopo gamazi'vesi nomine' ogo molo olosune laa' nani'za a'mine inite' linge ma nete lele'mize lamine' amilisave. Ee, lingine inite' muki' nene ha gopo gamazi'vesi nomivo ogo molo olosune laa' nani'za inite' ma ogo molo oga' nounivo a'mine initeli'mo guvetesi ve ne'mine lolo' o lemavo agae ne'mine amolone lo minelone' nesi geli geli ogo ogo molo minelesunako nemu' nene naza inite' mali'mo guve'nesi ve lolo' ogalive lo inite' ato ato' nene gopo osa'muve. 13 Lamineto' likeni' neive. O'moso'mo noso' nite' do soto' ine' nene gatudemu' ve losa do soto' ine' ve. Ido' gatude do soto' ine' nene noso' nitekumu' ve losa do soto' ine' ve. Ne neiha ei' O'moso'mo lavo noso' nitekisi gatudesi mudise osu' ha lilisasive. Ee, O'moso'mo noso' nitekisi gatudesi nene ne'minemu' do soto' ine'za okode do soto' ine' nene vene' vemoho' gopo' napa ingalizave losa do soto' amo Guvelesi vela gelekele' igi nizavo Guvelesi ve'mo okodelo' gizebo o minelive losa okode nene do soto' ine' ve. 14 Nemu' nene O'moso'mo Guvelesi ve hele neinguti' do ote-dine' ve. Ido' a'mine'mine ogo amuzo'vedunu' lelikisi hele noloninguti' do ote-ledeleseive. 15 Lingine nene Kilisito' oko'nolo' gizene ana ne'minisa nene mini'mi moni nizave. Nemu' nene gilamani' nehe. Nemu' nene laza Kilisito' oko'no hamo' ne'mine minune' gilivo minuninguti' linge ma nene Kilisito' oko'nolo' gizene ana ne'mine minani' matesi vi pasidia' alusi ingalizani' ne'mo Kilisito' oko'no ma nene di vi pasidia' vene' alusi di gopo igi di hamo' ilisanako nemu' nene ne'mine mo keke' amolone. 16 Ee, mono' godolou' gamazi ma vene' vemoho' bizi ingalisine' nene hamo' lili' ilisasive lo neine' nenako pasidia' venekisi ongalive nene a'mine venekisi hamo' lili' ilisasive. Nemu' nene lingine gilamani' nehe. 17 Ne neiha evene' ma aza Kilisitoda vo gi'mizelive nene Kilisitokisi lu'ine hamo' lolo' ogavo minilisive. 18 Lingine vene' alusi gopo' napa ingi'mi monaa' monovomu' nene golise igi mehedine imilo. Inite' goloso ato ato' vai' nevo daline' nene okonga losuvolotikovo' daline'za vene' alusi gopo' napa ongaline' nene gei' okonga gihile nene lihime molo-do do goloso o-delesane. 19 O'moso'mi Sikalahu' nene O'moso'mo lehize-lengedavo lutingu' minevo dovo' ogo minive ei' kekeize numu've nene lengi' okodine nene neive. Lengi' initetine nomive. Nemu' nene gilamani' nehe. 20 Ee, O'moso'mo lengi' nene meni hizo do eita o neine' nenako okodine nene lengi' initetine nomive. Nemu' nene a'mine okodinedunu' nene eze gulive do naba iline' initekovo' nene igi mili minilo.